2009年 秋 - 北海道紅葉之旅 DAY 1

 

過咗成五個月，終於的起心肝寫呢次北海道紅葉之旅！！各位，出發啦！！

今次同行的攝影裝備：

 

Canon EOS 40D

 

EF 17-40mm f/4L USM

 

EF 85mm f/1.8 USM

Canon G10

相片來源: Canon 官方網站

 

DAY 1 10/10/2009 香港 --> 札幌

 

因為一早就到咗機場check-in, 所以去Burger King食D野醫吓肚先！！

 

今次坐國泰機， GATE 67 上機啦!! 目的地北海道新千歲機場！！

 

國泰架飛機餐冇預期咁好，反而係個娛樂平台令呢幾個鐘頭既機程唔會悶， 有戲睇、 有機打。我睇咗想睇好耐的『變型金剛』。

 

到達新千歲機場後，就到機場的最低層，乘坐 JR去札幌，從新千歲機場站乘 JR 到札幌站， 車費: 1040円。如果唔急住去酒店check-in，建議去機場的大型Shopping Center行吓，呢個Shopping Center稱得上係手信聖地，如果你/妳每次去日本都會買大量手信，去行一行，就知有乜手信可以最後果日先買，咁之後就唔洗行街果時見一樣買一様，左一袋右一袋。

 

新千歲機場透視圖

 

到達JR札幌車站後，就步行(約10分鐘)到酒店check-in，今次住札幌京王酒店 Keio Plaza Hotel Sapporo，途經紀伊國屋書店。JR札幌站係一個大站，而JR札幌站本身和四周都係大型商場，地下街四通八達，還不斷向大通公園方向延伸。JR札幌車站是 JR、地鐵、市內巴士、觀光巴士等各種交通工具的交通樞紐，從這裏可以去北海道各地，之後八日都係從呢度出發。

 

十月是北海道傳統的雨季，溫度平均6.9~15.8度，也是看紅葉的好時節。

 

JR札幌車站月台

 

JR札幌站西口透視圖

 

Loft在札幌車站對面，Loft有大家熟悉的『無印良品』，但我覺得它的其他商品比『無印良品』吸引。

 

札幌京王酒店 Keio Plaza Hotel Sapporo

 

今次一連九日都係住宿札幌京王酒店，房間基本設備齊全，有免費上網。早餐主要分日式同西式兩種，西式早餐係自助形式，而日式早餐之後再介紹，京王酒店架既早餐算唔錯。有一點要注意，check-in 果時不妨問下「早餐券」可唔可以轉到食Lunch自助餐時用，我果時問過，答案係可以。

Check 完 in，小休後就出去行街、揾食。

 

紅色碟(105円)、粉紅碟(130円)、紅色白圈碟(240円)。

 

今餐埋單合共2135円。

呢間迴轉壽司位於札幌車站旁ESTA百貨大樓10樓，其實10樓全層都係食店，其中包括很多旅遊天書都會推介的『拉麵共和國』。响北海道揾食既非煙民要注意，因為北海道啲食店非全面禁煙，所以入食店前最好講明食唔食煙，AND 最好確定個店員明白，因為我試過 speak english 同做身體語言，還是坐吸煙區，果晚賺咗好多二手煙。

《印》『拉麵共和國』有一個入國記念印，找找吧。

 

『拉麵共和國』內共有8家拉麵店，各有其特色。

 

『熊出沒注意』即食麵。

 

ESTA百貨，『拉麵共和國』所在。ESTA百貨的G/F是巴士總站，去『定山溪』就是在那裏上車，詳情請留意 DAY 2 。

 

食過晚飯後，都差不多9點，大部份商舖都打烊，所以就決定到大通公園散散步，看看札幌電視塔，由JR札幌車站步行到大通公園大約15分鐘。札幌電視塔會在晚上10點正關燈，所以想去影夜景的要睇時間啦。

 

去日本，我一定會行便利店，回酒店時經過『Family Mart』，買咗個栗子雪糕。

 

是日甜品：栗子雪糕 (315円)

 

DAY 2 ~ 待續