小黃花下

 

藍天白雲，悠悠下午，小明和小珠路過小黃花田。小明伴在愁眉深鎖的小珠旁，不知如何是好。
在黃泥路上，他倆一小步一小步的向前行，一步比一步沉重，清新柔和的風吹到小珠臉上的兩行淚痕，
也只是加添愁傷。小明心裏明白再多的安慰說話都是徒然，所以只默默的守在一旁，
看着小珠和這片小黃花田‧‧．．．．．

突然，

小明把背包棄在黃泥路上，一躍跳進黃花田裏，大字型的躺在黃花田上，看著凝望天空的小黃花：


小珠：「你傻咗咩．．啲泥好污糟架．．快啲番上嚟啦．．我已經唔開心．．你仲．．！」

小明：「小珠，妳以前咪講過好鍾意呢啲小黃花，妳話佢哋同妳一樣咁靚！」

小珠：「．．．我宜家唔鍾意佢哋呀．．．衰人小明，係咪連你都要蝦人！．．．．(哭)」

小明：「小珠呀，妳睇．．今年啲小黃花開得特別靚，就好似妳一樣．．．．．！」

小明：「污糟嘅泥土裡面．．其實仲包括養份、水份、益蟲．．當然亦有機會有害蟲！」

小珠：「．．．．．．．．．．．．．．．．．．．．．．．．．．．．．．！」

小明：「多得呢啲泥土，小黃花得到養份，當遇到害蟲嘅時候，有益蟲在旁同妳一齊對抗！」

小明：「多得呢啲泥土，可以俾小黃花緊緊抓住，唔會响打大風嘅時候被吹走！」

小明：「多得呢啲泥土，先有今日嘅小黃花！」

小明：「小珠呀，响妳果邊睇，妳只見到背負住泥土嘅小黃花，小黃花嘅過去！」

小明：「換個角度，其實小黃花每日都為能夠見到呢片蔚藍色嘅天空而努力！」

小明：「小黃花亦為咗不負呢片藍天，每日都以最燦爛嘅自己凝望著天空！寄語未來！」

小明：「小珠，妳明白嘛！」


小珠低下頭看着小黃花田，良久．．．再抬頭凝著天空，一陣清新柔和的風再吹過
小黃花田，二人無語．．．．．．．！